Stapavík (N65°36.17-W13°57.97) // 2-3 klst

Gengið frá bílastæði rétt fyrir ofan heimkeyrsluna að Unaósi og út með Selfljóti. Gengið fram hjá Eiðaveri en þaðan lét Margrét ríka á Eiðum róa til fiskjar um miðja 15. öld.
Þar eru líka fornar beitarhúsatættur. Upplagt að koma við á Krosshöfða þar sem var löggilt verslunarhöfn frá 1902. Hólkurinn er við gamla spilið í Stapavík.
Í víkinni var vörum skipað upp alveg fram á fjórða áratug síðustu aldar. Gömul þjóðleið er frá Krosshöfða yfir Gönguskarð til Njarðvíkur.
Frá Unaósi, sem er ysti bær í Hjaltastaðaþinghá, er létt ganga í fallegri náttúru út með Selfljóti. Við ósa fljótsins er Krosshöfði, en Stapavík er lítil klettavík sem er aðeins utar. Í upphafi 20. aldar gegndi hann mjög mikilvægu hlutverki sem verslunarstaður fyrir Fljótsdalshérað. Í Stapavíkinni var vörum skipað upp alveg fram á sjötta áratug síðustu aldar. Í kjölfar þess að vegur var lagður yfir Vatnsskarð til Borgarfjarðar eystra lagðist starfsemi í Stapavík af.

Sjá bækling með gönguleið hér.

ÞJÓNUSTUAÐILAR

 

X